Legends from Lilliput

Hitan

2010-02-12T09:49:00.005+01:00

Il-hitan bojod joqtluk kuljum. Tipprova ma tismax is-skiet, itanbar stinat tul il-kurituri, izda t-tektik hafif fuq il-keyboards, it-tpetpit solitarju tal-mouse, l-ilhna mbieghda f'ufficcju minnhom jibqghu ma jidfnuhx. Fil-kamra tal-arkivji xi hadd jixghel il-photocopier, li tibzoq folja wara l-ohra, mimlija cifri, kliem kbir kollu rpuzat, tahbiliet ta' ideat suggeriti u konsiderazzjonijiet meqjusa f'dokumenti Taljanizzati tal-Unjoni Ewropea. It-terremot f'Haiti, il-krizi finanzjarja, il-faqar dinji, l-izvilupp fil-pajjizi eks-Komunisti, il-bidla fil-klima, id-dinja li qed titbaskat, tinstamat, tinhall f'tahlita tossika ta' plastik jinten, jahraq l-imnifsejn, jistordi l-menti, izarrat ix-xaghar, inixxef il-gilda. U l-photocopier tofroq karta minn ohra, tifrixhom pulit fuq xulxin bhal suldati stenduti, nodfa, stirati, bojod bhal-lozor. Il-hoss tal-magna jkompli jheddlek, mill-ufficcju ta' hdejk tasallek konverzazzjoni bil-Franciz.

Barra, ix-xita ccarcar. Mal-hgieg l-ghodwa shiha. It-tubu abjad iktar mis-shab. U fl-erbgha ghoddu dalam. Ix-xoghol semplici. Il-jum battal. Fuq in-naha l-ohra tal-bitha tista' tara l-ufficcji ta' faccata, ringieli mimduda u kolonni weqfin. Jaqsmu 'l xulxin bhal wahda mill-eluf ta' dijagrammi fid-dokumenti dwar l-istatistika. Jew gallinar organizzat b'mod matematiku ghall-ahhar. Metodu preciz. Efficjenti. Pedantiku. F'kull kubu: impjegat maqbud wara skrivanija, forsi xi pjanta, u erba' stampi mal-hajt. Tifkiriet ta' dik li kellha tkun hajja. Destinazzjonijiet turistici. Qraba u gheziez. Oggetti ta' sbuhija estetika, bhal warda ghadha tiftah, ferh ta' qattus, il-Gebla tal-General, inzul ix-xemx.

Mit-twieqi ftit li xejn jidhol dawl. Il-ftit dawl li jidhol batut. It-temp, f'din il-belt, m'ghandux habta jkun sabih. Idoqq it-telefown. Jidhol faks.

Tbattalt

2008-07-22T17:02:00.001+02:00

Tbattalt. Tbattalt minn kollox. Tbattalt mix-xemx ta’ kuljum li qliet kull ankra li sabet kemm ili hajja. Tbattalt mir-riha tfuh tal-bahar, miz-ziffa kiesha fil-bitha fl-eqqel tas-Sajf. Tbattalt minn kull kelma li dawwar ilsieni. Tbattalt minn kull ghoqda li ghaqqadt, hallejt kull coff. Tbattalt minnek, u ghajnejk cari u xaghrek qamhi, u s-sighat kollha li trejjaqt mid-dieqa tieghek. In-niket li ghasart minnek. Helu helu.

Granet godda

2008-04-24T12:16:00.006+02:00

Ili sew ma nersaq 'l hawn. Dis-swidija kollha. Forsi missni nikkunsidra bidla tal-kulur fl-isfond. Isma' l-kliem tqil u pedantiku. Qatt m'ghadu jkolli wisq cans. Belt gdida mimlija hajja u zghazagh multinazzjonali ma thallilekx wisq nifs, u dan ma jdejjaqni xejn biex niftehmu. Illum ga' l-Hamis; hawnhekk iz-zmien jitgerbeb bhall-karamelli. Sibt ftit minuti qabel il-brejk biex inholl zewg kelmiet. Il-lejla suppost se mmur nara performance taz-zfin ma' wiehed li ltqajt mieghu il-weekend li ghadda. Qed jiehu interess zejjed fija u qed iqajjimli s-suspetti. Forsi fqir u ghandu bzonn mara ddawwarlu lira, forsi ghandu xi marda kerha u mwarrab minn kulhadd, forsi psikopatiku fil-verita' imma għall-bidu jidher normali.

L-ahhar xhur tieghi f'din il-belt gdida kienu mimlija bhas-soltu, imqajmin, kuluriti, imtektkin b'hafna ucuh u postijiet godda li qatt ma rajt f'hajti. Il-Hdud, fejn Malta dejjem naghzel li nixxahxah ghad-dell gewwa forsi xi darba nikteb il-kapulavur ta' hajti, hawnhekk nitlaq kollox minn idi u nkompli niggerra, kif jien u shabi nistejqru minn lejl shih barra. Niekol xi haga, nilbes u nitlaq 'il barra. Inqas ma noqghod fil-flat ahjar. Hawnhekk zdiedu l-mumenti fejn tassew inhossni kuntenta u xortija tajba. Inkun miexja lura d-dar mix-xoghol fix-xemx, u niftakar li jien qieghda f'belt gdida fejn qatt ma tispicca idek f'idek u fejn hemm elf haga x'issib. U minnufih tahrabli tbissima. L-idea li nqattghu tliet kwarti minn hajjitna x-xoghol xorta ghadha tkiddni, madankollu. Din l-ikbar tragedja umana. Zball li ma jinhafer qatt. L-iskrivanija x-xoghol lanqas thares lejn it-tieqa. Quddiemi nara l-hajt abjad. U kultant indawwar wicci, nittawwal barra, xi drabi anki nersaq lejn it-tieqa u ntawwal idi fir-roqgha xemx li tidhol. Il-kurituri dritti u siekta wisq.

M'ilux mort il-Lussemburgu fejn iltqajt ma' hafna Maltin vicin xulxin, mhux bhall-Maltin t'hawnhekk. Laqghuna tajjeb u hadt gost insir nafhom. Ghalkemm post kwiet, strihajt fil-weekend tal-Lussemburgu. Bejn lejl imzebbel it-Tube u ikliet f'restoranti Tibetani, ghaddejtha.

Hawnhekk gieli nhossni tant ferhana li mhux l-ewwel darba li ghaddhieli l-hsieb li lejn Malta ma nersaqx aktar. Inkun f'xi kuncert tajjeb jew xi wirja ta' l-arti, u nhoss li arti qatt ma sqietni minn dan. Minflok dahket f'wiccu u kinsitu taht it-tapit u sadditli halqi. U b'hekk nistkerraha u nhossni fl-ahhar hienja 'l boghod mid-djuq il-mohh tan-nies izekzku u l-għajnejn jisqru. Imma mbaghad, inxomm il-fwieha taz-ziffa mil-bahar, is-shana helwa tas-Sajf, ix-xemx tolqot it-toroq u taghti n-nar il-gebla ratba safra, li titfarrak taht subghajk. U ma nkunx nista' ninsa, nitqalleb fis-sodda u nohlom bl-ilhna hielsa, il-madum kiesah, il-blat minn fejn thares lejn il-mewg sejjer 'il barra, 'il boghod, 'il boghod fejn, x'imkien, hemm dinja.

Sex and the City

2008-02-21T23:33:00.003+01:00

Jien u erba' episodji ta' Sex and the City. Carrie Bradshaw ssaqsi mistoqsijiet banali dwar il-hajja u n-namrati filwaqt li shabha jorqdu ma' hafna rgiel sbieh, u koroh. Jien fis-sodda, nisma' t-tapp iqattar xi kultant. Ghadni bla Cable TV u issa xbajt nistenna. Dan il-weekend ghandu jkun tajjeb jekk Alla jrid. Jien u l-lampa ta' hdejn is-sodda. Kemm inhobbhom il-lampi ta' hdejn is-sodda. Jien u shabi gol-kompjuter. Jien u l-post il-gdid. Jien u l-bedspread il-gdida li behsiebni nixtri. Jien u l-magg kafe li nsejt nixrob. Jien u l-pigama l-kerha s-sewda. Jien u l-kremi tal-wicc. Jien u zaqqi tugghani. Jien u siehbi Vahur il-mignun li ghamel film tat-tbellih. Jien u hafna rgiel minn pajjizi differenti. Jien u l-commands tal-blogg bl-Olandiz. Jien u l-laptop il-gdid li ghad irrid nixtri. Jien u t-temp sabih li ghamel dan l-ahhar. Jien u l-veduta tas-sema roza mit-tieqa. Jien u l-gara li nismaghha tinhasel. Jien u l-inkwatru ta' koppja titlob. Jien u l-arlogg wieqaf. Jien u erba' episodji ta' Sex and the City. Wara xulxin. Fis-sodda.

Nofs ta' lejl

2007-12-12T00:10:00.000+01:00

Hawn jien f'nofs ta' lejl nisma' l-Last.fm u mixhuta fis-sodda bil-laptop f'hogri. Kont qed inqalleb il-gazzetta tac-cinema Nova u nfittex x'qed jigri f'Dicembru. Fil-lejl qabel ma nitlaq ha jaghmlu xi lejla li isimha ovvjament ma nistax nifhmu bil-Franciz/Olandiz: Nuit des Publiphobes. U publiphobes x'ikunu? Insomma behsiebni mmur ghax dal-post veru interessanti. L-ahhar li mort kien hemm zghazagh b'wicchom maghkus u b'nuccalijiet bi frejm ohxon. Nhar il-Gimgha siehbi Vahur tielaq lejn Kuba. Issa naraw ma' min nispicca noqghod. Jien qatt ma ddardart indur wahdi. Xi drabi l-hena tieghi.

Illum kelli mmur nara play fit-teatru Fjamming KVS, imma skoprejna li kienet ghada minflok. Il-bierah rajt performance ta' danza kontemporanja u kieku tafu kemm kienet tajba! Hallietni bla nifs vera. Dawn jisimhom Les Ballets C. de la B. u ilhom jezistu xi ghoxrin sena.

Ghada ghandna lejla tar-Rumanija u pitghada l-istaff party tax-xoghol li ghalih ha jkolli ndellek il-hobz biz-zejt. Bhalissa qed inkellem 'il dal-Franciz li ltqajt mieghu s-Sibt li ghadda. Qed jistudja l-Fizjoterapija hawnhekk u bniedem sportiv. M'ghandux x'jaqsam mieghi.

Place St Catherine zejnuha b'hafna dwal sbieh, rota daqs dinja li tista' tirkibha biex titla' fl-ajru fl-gholi, ice rink bajda bajda u hafna tined ibieghu inbid shun, xalel, pancakes, hot chocolate, gizirajjen...minn kollox.

Fl-ewwel ritratt: Jien ma' Omar, Malti li jahdem Brussell, waqt party fid-dar tieghu s-Sibt li ghadda, fejn iltqajt ma' Irlandiz mignun u Taljan edukat, fost hafna nies ohra

It-tieni: Place St Catherine fi zmien il-Milied

Ngħas

2007-12-07T10:31:00.000+01:00

Ħuti Maltin,

Il-bieraħ mort niekol għand xi ħbieb li għamilt kemm ili hawn. Koppja li kienu jgħixu fid-dar fejn qed ngħix jien - il-ġuvni Franċiż qed jistudja Lille u t-tfajla Pollakka qed taħdem voluntiera fuq xi programm ta' l-UE. Sabu post ġdid viċin il-Grand Place, l-inħawi li qed infittex jien. Ħadt gost għax iltqajt ma' nies nice. Kien hemm waħda Ingliża li tpaxxejt nisma' l-Ingliż tagħha hawn qalb l-Ingliż mgħaffeġ, u Kroata li vera ddaħqek kif titkellem. Kilna risott tajjeb u wara lanġas biċ-ċikkulata. Illum id-dar għandi mnejn nipprova naqli bajda u nagħmel ic-chips mill-patata li xtrajt. (Eħe, għal min ma jafx: għadni qed nitgħallem insajjar!)

Dan il-weekend għadni ma ddeċidejtx x'se nagħmel, fejn is-soltu ppakkjata bl-attivitajiet. Nixtieq immur nara xi performance. Din il-ġimgħa qed nirkupra mill-ġiri kollu li ġrejt ix-xahar li għadda u qed inħalli n-ngħas jirbaħni. Nixtieq immur Antwerp jew Gentt, jew...min jaf - Amsterdam? :)

Illum għandi mmur niġbor il-kamera ġdida li xtrajt. Jekk il-commands huma bil-Franċiż, jista' jżommha.

L-ewwel ritratt: Jien ma' Vahur, Estonjan li jahdem fil-Kumitat Ekonomiku u Socjali wkoll u Bosko, mill-Boznja imma ilu jghix l-Irlanda ghal dawn l-ahhar ghaxar snin, f'Recyclart waqt li konna qed nisimghu band vera tajba Amerikana, Dirty Projectors

It-tieni: Il-Grand Place mixghula bil-lejl

It-tielet: Flea market fi Place Jeux de Balles. Innota l-muzicisti bid-drums u s-sassofanu f'nofs in-nies

Ir-raba': Mont des Arts - zona mimlija muzewijiet u centri ta' l-arti

Brussell

2007-12-06T16:48:00.000+01:00

Ħuti Maltin,

Kif forsi x'uħud intebħu u ħafna oħrajn 'qas biss indunaw, jien bħalissa ninsab fil-belt griża u amministrattiva ta' Brussell, u xhieda ta' dan huma l-fonts Maltin li jien qatt ma ndenjajt ruħi nniżżel fuq il-kompjuter tiegħi tad-dar, kif ukoll il-fatt li għebt minn kull triq u kantuniera, kull bar mudlam u kull ġuvni mgerrem Malti. Issa ilni xahar hawn, u f'dan ix-xahar ma sibtx ċans inpoġġi bil-qiegħda u nikteb il-blogg, jew aħjar ma ridtx insib ċans għax taħrat Brussell u 'l ta' madwar iżjed interessanti.

Imma llum inzertajt għandi sagħtejn kalmi x-xogħol u l-muża u b'hekk għidt ħa nħarbex xi ħaġa. Waqt li qiegħda hawn, bejnietna, qiegħda seba' għajnejn fuq il-Malti tiegħi, ma jmurx isir tqil u ggalbat bħal ta' xi tradutturi, ma mmurx nibda ninstema' qisni Dun Victor Grech jew Charles Arrigo, jew Manwel Mifsud meta jaqra r-rumanzi. Nispera li l-humour tiegħi ma jiggalbax ruħu żżejjed ukoll.

Ma nafx minn fejn nibda. Kemm ili hawn litteralment ħrattha Brussell, niġbor kull gazzetta u riklam li nara, infittex teatri u mużewijiet fuq il-mappa, indur fil-kesħa l-aqwa li nsib xi rokna ġdida. U affarijiet ġodda sibt kemm trid, u wkoll erbat iħbieb (qed inħoss l-istil tiegħi jitqal...ajjut!) . Biex ngħid dak kollu li rajt u għamilt indum seklu. Fost l-iżjed avvenimenti interessanti kienu l-film festival ta' Kenneth Anger fejn tkellem id-direttur stess; lejla fiċ-ċinema Nova (ċinema alternattiva) fejn qattajna xi sagħtejn bil-qiegħda fid-dlam nisimgħu dak li rrekordjaw erbat irwieħ fil-vena ta' l-esperimentazzjoni, flok narawh; Recyclart - bar alternattiv fejn stazzjon tal-ferrovija jsir bar u post fejn isiru gigs tajbin fl-għaxija (il-crowd qisha dik ta' Misfits u hekk); il-ħwienet tal-komiks; ħanut li jbiegħ LP's antiki għal prezz irħis. Rajt ukoll plays u esibizzjonijiet interessanti, m'għandniex xi ngħidu. Brussell hija belt żgħira imqabbla ma' l-oħrajn, imma viċin l-ibliet il-kbar. Ma' din il-bloggata se nżid xi ritratti għat-togħma.

Il-ġimgħa l'għaddiet mort Londra, u ġġennint warajha. Jien hemm irrid immur naħdem! Meta ġejt lura Brussell, rajt kollox mejjet u ċass. Vera nixtieq immur spiss Londra. Issa, ġimagħtejn oħra u nerġa nsib ruħi Malta ħanina ħobża u sardina...x'hena.

L-ewwel ritratt: Klinsmann minn fuq il-bejt tad-dar Malta. Il-punt fejn fhimt li KELLI nitlaq.

It-tieni: Delirium, bar fi Brussell ghax ghandu 'l fuq minn xi elf birra differenti!

It-tielet: Id-dahla ta' Theatre les Tanneurs fejn s'issa rajt xi tliet performances vera tajbin!

Ir-raba': Il-metro stop ta fejn qed noqghod - Ribaucourt

Il-hames: L-ufficcju f'wiehed mill-binjiet f'Rue Belliard, it-triq fejn jinsab il-Kumitat Ekonomiku u Socjali Ewropew

Glare

2007-10-14T21:55:00.000+02:00

It's white steel that feeds the sky
today it's made of white clouds and snowy glares of light
that spill desolately
and make the day nightly
the silence that hammers on the doors of hearts
to be let in
is engulfing and intoxicating
and I drink it quite eagerly
to spit it out then

after a while you taste its strange flavour
of frogs in the darkness
burping like beasts that hop on your forehead
to eat it out
perhaps
slowly,
with forks and knives
eagerly
not forgetting their manners

I stare at some words
I read Friday
they throb
I sleep.

Misluta blu

2007-09-23T12:12:00.000+02:00

Bhalissa ghaddejja minn zmien ta' taqlib li wasal fuqi bhal tempesta li xxajtan il-bahar zejtni tal-Mediterran. It-taqlib tefghani fil-qalba ta' Brussell, belt griza u msahhba, b'riha ta' kartun u Gharab maqbuda fl-istazzjonijiet tal-metro, u b'bini kbir u gholi li fih joperaw l-oghla istituzzjonijiet Ewropej. Brussell b'hafna gonna kbar u hodor f'nofs il-griz. Brussell kiesha, specjalment bil-lejl. Brussell b'hafna kurituri twal u dojoq fid-disa' u l-ghaxar sulari. Brussell b'hafna nies lebsin pinna, hwejjeg tal-belt - mirquma u puliti.

Illum qed indoqq muzika ta' dieqa. It-temp huwa msahhab f'Settembru, id-dawl fjakk u l-Hadd ghajjien u mqanzah. Il-bierah hrigt ma' l-Awstrijakk, ferriehi u gustuz, imma mohhu fil-qattusa, il-haxixa u x-xoghol fil-qasam tat-turizmu. Affarijiet li jien ftit li xejn ghandi x'naqsam maghhom. Il-qattusa serqitli misluta blu l-bierah, u Allahares ma nsibuhiex ghax naghmel stragi u forsi l-qattusa tispicca hazin. Il-bierah qattajt ftit hin nerga' nara La Strada ta' Fellini, kemm hu tajjeb u veru. Ma xbajtx narah! Probabbli l-Awstrijakk ma jifhimnix jekk insemmi 'l Fellini, imma nista' nipprova. Dawk il-bdabad medjokri ta' l-Universita' 'l ohti ma hallewhiex tkompli ghat-tieni sena. Nies kollhom paroli u bla immaginazzjoni.

Brussell u t-treni u l-ksieh u l-indipendenza qed isejhuli, imma hawn ibenninni. Issa li gejja x-xitwa kollox jibda jmut u hafna nies idabbru rashom u jitilqu 'l-gzira. Kif tohrog diga' thoss iz-ziffa kiesha u l-bahh jitkaxkar. Id-dlam ikebbeb kollox kmieni u l-attivitajiet jonqsu u jiccaqilqu ghall-irdoss gewwa. U jien nahsibha - nigbidx il-bieb warajja u ningabar gewwa, jew nirfisx mill-ghatba 'l barra u nerhilha ghal ghonq it-triq.

Dawn huma xi ritratti li gbidt waqt zjara lil Sant'Iermu waqt li kont qed nahdem fuq l-ahhar artiklu fis-sensiela dwar il-Belt ghall-Modern Elegance ta' Settembru.

Gore

2007-09-03T21:35:00.001+02:00

I can't keep running away from the truth, no matter how deep and tragic it is. Man has wasted the world, and that is knowledge that I possess. I can see the tremendous mistake man has committed, and mankind doesn't realise the immense, grotesque punishment it is suffering for its enormous blunder, depriving itself of the divine bliss available in precious crevices of the world, shockingly blind. For this reason, at the moment I only wish to find myself in a vast desert, to be miles away from the civilisation constructed by mankind so as to be able to live out my existence truly. I'm starting to believe this is the only way. To escape the ridiculous daily routine of work, the idle chatter of people afraid to embrace their capacity to think, the rickety, ignoble structures we have confined ourselves in, the superfluous glaze on which we bob up and down like jelly separating us from the breathtaking truth that would kill us to resuscitate us again.

A few minutes ago, I almost thought I managed to go back to my childhood, to be thinking with the same mind that I had, to have stripped myself of time to be possessed anew by that innocence that renders existance intoxicating until things cease to be new and become all old and recognisable. Everthing known and understood. Lifeless.

Barra

2007-08-25T17:14:00.000+02:00

Kieku nista' nqatta gurnata shiha nitlajja barra. L-ewwel immur il-Belt sal-hwienet u l-Monti nixtri c-cekcik, imbaghad il-bahar Wied iz-Zurrieq, imbaghad kif jinfetahli l-aptit niekol pizza jew xi haga friska minn hdejn il-bahar, u fl-ahhar nissakkar ic-cinema ghall-ksieh nara film tajjeb. U ma nersaqx lejn id-dar. Ghandi bzonn ta' barra. Fl-ghaxija nibqa' ndur f'toroq mserrpa kollha dlam u ghefiered sa ma nasal hdejn xi kappella qed tittiekel u forsi niehu drink f'xi bar fqir. Irrid barra. Ghadek ma tafx kemm ghandi bzonn. Mieghi ngorr labes u karta ha nharbex ukoll. U jekk jista' jkun norqod ghand xi habib tieghi il-Belt u nqum 'il boghod minn dari. U nerga' mmur nghum u nqatta' izjed u izjed sieghat barra. U ma nigix lura u hadd ma jerga' jsibni.

Razzti

2007-08-24T18:34:00.000+02:00

Il-bierah mort party tal-Milied. Kienet wahda mill-izjed granet imdellkin ta' dan is-Sajf u r-ragel tas-silg li kien qieghed wieqaf fuq mejda b'kappell tat-tibna f'rasu u kullana fjuri m'ghonqu, fi zmien erba' sighat naqas ghoxrin kilo. Il-Westin organizzaw dan il-festin komplut b'ikel fin, karaoke u disco biex ihajru l-kumpaniji tax-xoghol jorganizzaw l-istaff party hemm. Kont ma' Josanne il-kollega tieghi u ltqajt b'kumbinazzjoni ma' kuginti Clare li kienet hemm ma Russu fis-sakra li tahdem mieghu. Tghidx kemm dhaqna, zfinna u kantajna! Josanne u Clare kantaw fil-karaoke. Jien ma kantajtx, ghax ma stajtx nahseb f'kanzunetta li ridt inkanta. Imma missni tlajt hemm fuq u urejthom x'naf! Wara l-karaoke d-DJ beda jdoqq il-bumm bumm, u jien tlabt li jwaqqaf dak l-istorbju u minflok idoqqli r-Rock 'n' Roll ha noqghod noqmos u nizzegleg.

F'dik is-shana u f'dak it-tidlik, jien, Josanne, kuginti, Charlie B min-Nazzjon u Raphael Vassallo tal-MaltaToday tghidx kemm zfinna u xxadinjajna. Dan ta' l-ahhar f'ammonti kemmxejn ristretti. U l-Christmas Fathers jifflowtjaw fil-wicc tal-pool il-kbira.

Kif imxejna lura sal-karozza, Josanne u Raphael dahlu f'konverzazzjoni twila, u jien qghadt inkaxkar warajhom; hassejtni qisni vit mahlul. Kif infridna, R sellem lil Jos, u jien bqajt bir-riha. U b'hekk imxejt lura d-dar nahseb fuq in-nies li ma jikkalkulawnix, u fuq ir-raguni valida ghalfejn jien ma nikkalkulahomx, u fuq in-nies migbura, nobbli u ghorrief li ma jistennewx wisq minn huthom.

Bzonn nikteb storja

2007-08-18T20:30:00.000+02:00

Qed inhoss is-shana ghax mort il-bahar u ghadni ma nhsiltx. Xaghri dejjem tigi qisha ssettjata wara l-bahar allura ma nahsilhiex mill-ewwel. Fl-ahhar irnexxieli nqatta' saghtejn il-bahar. Ix-xemx ma hadmitx; kienu daqqu l-erbgha. Imma forsi l-bahar ifejjaqni. Spiss da l-ahhar qed narani donni marida u dejjem bajda mewt. Qisni hadt xokk u ma hrigtx minnu. Mhux ta' b'xejn b'kull atrocita' li nhabbat wicci maghha f'dan il-pajjiz.

Ix-xoghol kuntenta. 'Il Marie sirt inhobbha, bhalma l-bqija tan-nies li nahdem maghhom bhal Joe (id-designer) u Josanne li maghha naqsam l-ufficcju. Il-lejla sejra l-Jazz Fringe, nara erbgha min-nies jixghelu fid-dawl li jarmi l-palk u jizzegilgu hafif hafif ghall-muzika. Jien ma nahsibx li nixghel, ghax bajda wisq. Wara nispicca nitlajja, nara x'isir minni. Ghandi bzonn ragel. Issa hemm Awstrijakk qed jibghatli l-messages. Iltqajna l-Ghadira, imma s'issa ghadna ma rnexxilniex niltaqghu ghat-tieni darba. U jien sirt inhossni kemmxejn ghajjiena ghal dawn l-affarijiet ukoll. Forsi ghax l-Awstrijakk mhux wiehed li jgenninni.

Il-bierah mort norqod flok mort party li kien hemm ir-Riviera. Imn'Alla ghax smajt li l-muzika kienet chill-out kif jaf ihawwar Owen Jay. U kelli bizzejjed iljieli sas-sitta ta' filghodu meta nara x-xemx tifrex fuq ir-ramel. Ma tantx ghandi tamiet kbar ghal-lejla, lanqas, ghalkemm ghandi bzonn climax.

Inhossni qed inparla fil-vojt, ghalhekk jaqbel li nzarma. Da min jaqrah wara kollox? Ghandi bzonn nikteb storja mhux ninhela fil-paroli vojt.

Fir-ritratt: Xi s-sitta ta' filghodu wara wiehed minn dawk l-iljieli x-Xemxija...

Xoghol

2007-07-15T19:34:00.000+02:00

Hawn jien. Lura d-dar wara gurnata xoghol. Tnax-il siegha bl-ezatt. Il-Hadd imqaddes. Gurnata minn hajti mohlija. Naf, jehtieg li naqtaghha dil-bicca. Ippruvajt nsib xi hadd jibdilni, imma had ma ried, ghal xi raguni jew ohra. Issa filwaqt li kulhadd il-bahat jew jipprepara biex jistrieh, jien wasalt lura d-dar ha nixpakka bl-energija meta n-nies kollha 'ga hlewha l-lejl li ghadda! Salvaniiiiii.

Is-sema car kristall u l-arja hafifa, imma mohhi nhossu tqil u iebes bl-ghanqbut u snin ta' trab. Inutli tahseb f'dinja stinata.

Velenu

2007-07-12T06:14:00.000+02:00

ll-Westside Short Film Festival kien mandra ta' films tajbin maghmulin minn nies mandra li gew Malta biex isiru mandra. Hafna mill-film kienu tajbin u l-festival kien ahjar minn tas-sena l-ohra in generali. Il-films tal-Gimgha ma kinux tajbin wisq, izda s-Sibt u l-izjed il-Hadd hafna mill-films kienu tajbin. In-nies gew ukoll, minkejja li dis-sena ridt thallas izjed biex tidhol.

Fil-lejl tas-Sibt jien mort il-party bhall-bqija tan-nies kollha li marru jaraw il-films il-Gardjola. Fost il-Maltin qosra jizfnu u dahkana gew joqomsu erba' dardieriet Inglizi li nittnu post bid-dahk ikrah u t-tisbit li nstabtu ma' l-art. Il-percimes fosthom kien is-Sur Neal Fox, karattru moqziez li dewwaqli ftit xufftejh. Dan Fox jekk thares lejh fil-fatt qisu fenek ta' l-indi bil-mustacci homor bhal ta' Ferguson jew Huckleberry Finn. Huwa ragel kbir ghax hu artist ta' barra minn hawn li jpingi n-nies jitbahardu f'qiegh Soho, u jisthajlu xi wiehed minnhom. B'jeans inkaxxat mal-warrani u nofs gallun alkohol jigri fil-vini ta' mohhu, Fox beda jistabat ma' l-art imnittna ta' Lo Squero, ibewwes f'kull sura ta' bniedem li jsib quddiemu, u jdur u jghaqad fin-nofs donnu buffu zmagat. Dan l-ghagir, m'ghandniex xi nghidu, huwa dehen biss ta' princpijiet zghar ohra bhalu minn Londra. Kienet esperjenza kurjuza xufftejn Fox ma' tieghi, ghax hassejt il-hajja ttanbar tal-kapitali Ingliza mhallta mal-velenu kollu li hemm fiha ghaddejja minn xufftejh ghal go tieghi. Inhossni grata li ma bqajt tal-kolp b'dik is-sustanza tossika tinfaza 'l demmi.

Il-festin f'Lo Squero kien bla dubju wiehed mill-izjed imqajma li kellna f'dawn l-ahhar xhur. Il-Maltin u l-Inglizi baqghu ghaddejjin jizfnu sas-sighat bikrin ta' filghodu (dejjem b'Fox cippitatu fin-nofs). Il-Maltin u l-barranin, madankollu, kienu ferm segregati; il-kontingent Malti bhal donnhom imgerrxa minn dak il-wahx Ingliz jisserdak f'nofsu. Sa l-ahhar tas-serata, il-Maltin kienu poggew bil-qieghda jistriehu mal-genb tat-terrazzin, filwaqt li l-Inglizi kienu ghadhom jixxenglu fin-nofs b'dahka ghajjiena mcappsa ma' wicchom. Ix-xemx sabiha Maltija telghet fuq sema blu jixpakka u kixfet dak il-wahx kollu f'zernieq tal-holm.

Dan il-festival tassew serva biex ilaqqghana u jghallimna lkoll, huti Maltin, dwar kulturi differenti ta' hajjiet lil'hinn minn xtutna.

Fir-ritratt: Jien u Martin kif xpakka z-zernieq fuq Lo Squero. Jien ilbist libsa bajda biex nidher qisni anglu.

Freedom is another word for nothing left to lose

2007-07-01T03:00:00.000+02:00

Kemm ghandi ghejja. Il-bierah mort il-bahar ghall-ewwel darba das-sajf, u jew gismi ha trawma zejda, jew blajt xi xemxata fil-qilla tax-xemx ta' nofsinhar. Wara kelli naqra l-ahbarijiet ghalhekk ma lhaqtx irqadt, u fl-ghaxija mbaghad hrigt u domt. Illum ghamilt gurnata mghaxxa u hlief norqod ma stajtx. L-istat jiggrava tal-kamra huwa wiehed prekarju, u, m'ghandix dubju, ta' danni ghall-istabbilita', jew instabbilita', mentali tieghi. Wicc l-iskrivanija ilu ma jara dawl snin, u taht l-irdim zgur ghandek issib karti u hsibijiet u dokumenti ta' erba', hames snin ilu. M'ghandix post fejn inpoggi bilqieghda u nikteb, jew semplicement nahseb waqt li nhares l-isfel lejn wicc ta' skrivanija vojt. Qed nahseb, pero', l-istat tal-kamra tieghi tixbah ferm lil dak ta' l-ufficcju ta' Marie, li tidhol fih ippreparat li tista' xi haga fuqek malli tiehu l-ewwel pass 'il gewwa!

Hemmhek sibt b'hiex nikkonsla.

Illum Spanjol li ltqajt mieghu (gustuz u b'karattru taz-zokkor) riedni niehdu l-Imdina fis-sitta ta' filghaxija. Offra wkoll li jehodni niekol biex juri l-apprezzament. Imma jien, li bilkemm niflah niccaqlaq, ghidli kif ha nohrog daqshekk kmieni mid-dar f'wahda mill-unici jiem hielsa fil-gimgha tieghi, biex noqghod indawwar dan l-Ispanjol ma' belt qadima li diga' rajtha. Mhux ha niddejjaq nurieh pajjizi ta, imma nistennew u naraw insibx is-sahha u l-volja izjed tard fil-lejla.

Jehtieg innaddaf il-kamra, imma kull meta nibda jahkimni sentiment ta' ezawriment u naqta' qalbi. Nasal biex indahhal bicctejn hwejjeg u forsi narmi xi karta zejda minn hawn u minn hemm, imma mbaghad dlonk ninxtehet lura bilqieghda fuq is-siggu, jew nahrab nigri 'l isfel minn dik it-tghaqqida impossibbli!

Ghandi aptit nara xi film tajjeb, imma min-naha l-ohra izjed jaf iraqqadni u jibdew jaharquni ghajnejja. Din il-longa ta' l-Imnarja ghamlithieli.

Arrivederci Roma

2007-06-15T08:39:00.000+02:00

Ghalfejn m'hawnx irgiel sbieh daqs dawk tal-films? Mhux minn wicchom biss, imma anki minn imgiebithom. Kemm inhobbha dil-kanzunetta antika Taljana, ili biex ingibha. Il-lejla shana ta' l-ghageb diga. It-tieqa miftuha berah u l-kamra dlam cappa. Ragel biss jonqos. Sabih, mibni u mohhu jilhaqlu.

London cool

2007-04-21T00:09:00.000+02:00

Din kellha xaghar iswed, imsielet tondi homor u ticrita belha li kienet tofroq nofs wiccha fi tnejn. Dak kellu jeans imlahlah taht zokortu, T-shirt bis-sens u xaghar mhux tas-soltu. L-iehor xaghru mharbex, kemm kemm fil-griz, tbissima nejjieka u idejh fil-but. L-iehor bit-tazza ta' l-inbid imdendla f'id minnhom. L-iehor imxahxah ipejjipha fil-bieb. L-ohra fil-gallarija daharha mikxuf. Dak riha hafifa ta' fwieha, dik xagharha mxarrab mahsul, dik saqajha suwed fis-sandli, dak xurban bil-gin, dik mitfugha fuq genbha tittawwal 'il barra. Kollha mxahxhin.

Wied il-Ghajn

2007-04-15T06:47:00.000+02:00

Illum naghlaq l-24. M'ghamilt xejn specjali, tafx. Gawdejt l-ewwel gurnata kwieta u vojta wara hafna gimghat mimlija sa ruh ommhom. It-temp hareg kemmxejn imsahhab f'hinijiet minnhom, imma x-xemx hargitli tizreg 'l hawn u 'l hinn. Qaluli Happy Birthday erbgha min-nies ukoll - zijuhi b'kartolina u c-cekk tas-soltu, Teodor, Edward, siehbi li ili naf minn zmien l-iskola tad-drama, Martin u sehbitu Joanna, u l-membri kollha tal-familja, li kollha raw li jghiduli Happy Birthday ma mmurx nahseb li nsew hehe. U anki z-zijiet l-ohra u n-nanna. U habibti tax-xoghol. Tad-dar sajruli lazanja ghax jafu li vera nhobbha. Missieri xtrali wkoll verzjoni ta' Ipod, ghax ili bzonn recorder ghall-intervisti u issa izjed bzonnu. Dejjem kont nissellef t'ohti u dik erhilha tgerger. Il-Mummy saqsietni x'irrid li tixtrili imma jien sthajt nghidilha, u tatni flus.

Il-lejla ma nfx fejn ha jehodni r-rih. Dan l-ahhar ma tantx qed jehodni mkejjen. Abbli nispicca gewwa, ghandi ftit swied-il qalb. Hsibt li nsuq sa Wied il-Ghajn, u niftakar f'jiem li ghaddew. Fix-xemx tizreg, iz-zghazagh misluta, it-tkaken hoxnin u l-ghajjat hieles. Niftakar fl-injoranza.

Lewz u Karawett

2007-03-08T19:20:00.000+01:00

Ma nafx kif ha jtektek il-hin. Qieghda l-Kavallier ta' San Gakbu, mill-gdid. Imma dal-Kavallier naqra nej. Kif jghaddu das-saghtejn ha nsuq sas-Sliema ghal film mat-Tiju u ninfexx fil-lewz u l-karawett li xtara. Ghalkemm ghandi n-nghas ergajt, ghandi aptit nitgezzez u norqod. Ma nafx kif ha jtektek dal-hin. U da xi blogg ikun jekk ma tista' tghid xejn ghax tikxef ghawarek ma' kulhadd? Insomma, mur ara min qatt jidhol f'did-dalma f'qiegh dan il-blogg imwarrab.

Kif naqbad nghaddi l-hin?

Tbexbix

2007-03-02T20:16:00.000+01:00

Is-Sajf ga beda jbexbex. Barra x-xemx iggammar u s-sema ddahhan roza, ahmar, isfar, vjola. Il-karozzi jhaxknu mat-toroq xeghlu l-fanali qawwija u wicci miksi dawl kif nilmhu fil-mera ta' quddiem. Kelli aptit niftah it-tieqa u nhoss l-arja ma' wicci u l-hsejjes imharbta ma' widnejja.

Jghajtu x-xjuh

2007-02-20T19:11:00.000+01:00

Mill-gdid ninsab il-Kavallier. Barra l-Karnival. Ghamilt break shih niccassa lejn il-Gran Defile minn fuq il-hajt gholi madwar Pjazza Helsien. Kien il-bard u r-rih kiesah ghamilli ugiegh ta' ras, ma stennejtx li ha nibqa' mwahhla hemm siegha shiha. U ma nkunx irrid nitlaq. Issahhart nara x-xemx tolqot il-kuluri jghajtu u l-karti mqattghin kaxxi zghar jigu sparati fl-arja. Ir-rih beda jaqbadhom ghalhekk inferrxu mas-sema u tektkuha kuluri bhal fil-holm. Bqajt niccassa ghax ftakart f'meta kont zghira, fix-xemx tizreg fuq il-grounds fil-junior lyceum taz-Zejtun, fit-tfajliet bil-qmis imxattra u d-dublett imxammar, fil-Malti u fil-Malti.

Dak kollu li kont qed nara quddiemi kien Malti. Malti minn kull naha, minn gewwa, minn barra, minn fuq u minn isfel, minn wara u minn quddiem. It-tfajliet joqomsu fuq il-karrijiet bl-ucuh sfigurati u bl-ghajnejn daqs dinja kkuppjati minn dawk ta' Mickey Mouse. Il-guvintur jaqbzu u jiccelebraw malli jilmhu l-karru jinfetah; il-prezentatur jinhaq gol-microphone b'zaqqu kbira marsusa f'gakketta. Forsi kitsch, hamallu imma Malti, imhallat ma' xejn, mhux imgerrex minn surtu. Kieku l-affarijiet baqghu jikbru hekk f'kull qasam, kieku ghandna Malta mimlija daqs bajda, tingharaf, hajja, qawwija. Hekk kif qeghdin kollox ghajjien, kollox bezziegh, kollox prudenti, kollox jilghabha kollox barra Malti.

2007-02-15T19:29:00.000+01:00

Illum indfint gewwa. Inhbejt mid-dinja wara gimgha ta' giri u intervisti u ndagar dwar is-Suq tal-Belt. Lanqas il-Kunsill tal-Belt m'ghandu l-istorja ta' das-suq. Wara nofsinhar dhalt taht il-friex u spiccajt 'il Auster (kont qed naqra The Invention of Solitude). Issa m'ghandix kwiet, u m'ghandi aptit naghmel xejn hlief naqra jew inpingi, imma ha jkolli nohrog. Fil-bard u fid-dlam u fil-boghod.

Zebbug

2006-04-18T10:50:00.000+02:00

Zebbuga ratba, iddemma' kif snieni jinfduha.

Mermaid's Lament

2006-04-10T18:11:00.000+02:00

Nemel Mejjet

2006-04-10T17:59:00.000+02:00

Ants are invading. They crawl over clothes, the floor, loose paper, the general state of decay my room's in. They reflect the gruesome abandon my life is in now. My baggy pygama top hangs wrecklessly off my shoulder. I don't care about a thing, or too many. I aimlessly shoot from right to left, forward and backward.

I squash every ant I spot to death, of course.

Wellidt blog

2006-04-09T17:58:00.000+02:00

Dak x'ikun?